საქართველოს პარლამენტის თავმჯდომარე, შალვა პაპუაშვილი განცხადებას აკეთებს სანქცირებულ მოსამართლეებთან მიმართებაში ოპოზიციის ინიციატივაზე, საგამოძიებო კომისიის შექმნასთან დაკავშირებით:
,,ამ ქვეყნის 4 მოქალაქეს ჩვენი სტრატეგიული პარტნიორების წარმომადგენელმა დაადო სანქციები. ისინი [ოპოზიცია] არიან პარლამენტის წევრები. ამ ქვეყნის წინაშე პარლამენტში ფიცი აქვთ დადებული. პროტოკოლურად ერთი კითხვა მაინც უნდა დაესვათ საჯაროდ ელჩისთვის ან პირადად დაესვათ კითხვა – რომელ მტკიცებულებებზე დაყრდნობით იყო ეს გადაწყვეტილება მიღებული…
ნაცვლად ამისა, კითხვებს კი არ სვამენ, საჯაროდაც აცხადებენ, რომ ამ საგამოძიებო კომისიის მიზანი უნდა იყოს მტკიცებულებების შემქნა იმ გადაწყვეტილებისთვის.
ასეთ კანცელარიის დონეზე დაყავთ თავიანთი თავი და საქართველოს პარლამენტი.
რაც, რა თქმა უნდა, აჩვენებს რამდენად შეუმდგარი არის, სამწუხაროდ, ჩვენი ოპოზიცია. დამოუკიდებლობის მოპოვების დღიდან, ვფიქრობ, რომ დღევანდელი ოპოზიცია არის ყველაზე არადამოუკიდებელი თავის გადაწყვტილებაში, ყველაზე არაპატრიოტული. შესაბამისად, ყველაზე შეუდმგარი.
როდესაც მნიშვნელოვან პროცესში ვიმყოფებით, ევროკავშირთან ინტეგრაციის მხრივ და აუცილებელია პარლამენტში კონსტრუქციული თანამშრომლობა, ამ დროს პარლამენტში შემოიტანონ დესტრუქციული დღის წესრიგი, რადიკალიზმი, იყოს ალქაჯებზე ნადირობა – ამის დაშვებას საქართველოს პარლამენტის უმრავლესობა არ აპირებს“, – განაცხადა შალვა პაპუაშვილმა.
ავტორი
ნინი ხიჯაკაძე
