მიხეილ სააკაშვილთან მიმართებაში კონკრეტული დამოკიდებულების გამო ცალკეულ ოპოპარტიებს მწვავე შეფასებებით და მინიშნება-განმარტებებით მიმართავს პარტია “კანონი და სამართლის” თავმჯდომარე, თაკო ჩარკვიანი:
“ოპოპარტიამ, რომელმაც იცის რაოდენ დიდი მნიშვნელობა აქვს სააკაშვილის სამკურნალოდ გადაყვანას უცხოეთში, მისი სიცოცხლის გადარჩენისთვის და უმნიშვნელოვანესია ეს უპირველეს ყოვლისა ჩვენი ქვეყნისთვის, კანდიდატის სტატუსის მიღებისთვის და მაინც ჯიუტად აცხადებს, რომ მიშას სამკურნალოდ გადაყვანისთვის უცხოეთში – არ მივლენ აქციაზე, მონაწილეობას არ მიიღებენ და ჟურნალისტის კითხვას ასე პასუხობენ , რომ “არ გვინახავს ჯერ დასკვნა სააკაშვილის ჯანმრთელობის შესახებ”, ან “არ მივდივართ”, “არ ვერევით”. აი ამით, ზუსტად იგივეს აკეთებს ასეთი ოპოპარტია, რასაც “ოცნების” ხელისუფლება ქვეყნისთვის, რადგან ფაქტიურად ხელს უშლის იმ 12 პუნქტში არსებულ მოთხოვნებს და ხელს უწყობს მესამე პრეზიდენტის მკვლელობას. არაფრით განსხვავდება ამ ტიპის ოპოპარტია ხელისუფლებისგან!
სრულიად ა რ ა ფ რ ი თ!
ეს მავნებლური და არასახელმწიფოებრივი აზროვნებაა!
P.S. ისე, შევახსენებ ამ “ოპოებს”, რომ თავად აქაური “სისტემის – კლანის” მიმართ უნდობლობის გამო თავიანთი საქმეები უცხოეთში აქვთ გასაჩივრებული (სამართლებრივი დავა) სწორედ უსამართლობის გამო…“, – წერს ფეისბუქის პირად გვერდზე თაკო ჩარკვიანი.