“ეს ხელისუფლება დასავლეთთან დაპირისპირების რეჟიმშია გადასული” – ზურაბ გირჩი ჯაფარიძე

პარტია ,,გირჩი – მეტი თავისუფლების“ თავმჯდომარე ზურაბ გირჩი ჯაფარიძე ჟურნალისტებთან კომენტარს აკეთებს საქართველოს პარტნიორი ქვეყნების კრიტიკულ გზავნილებზე.

ოპოზიციონერი ლიდერის განმარტებით მოლოდინი არ უნდა იყოს იმასთან დაკავშირებით, რომ ,,ქართული ოცნება“ რაიმეს გაითვალისწინებს:

,,არ იქნება ადეკვატური რეაგირება. ეს ხელისუფლება არის დასავლეთთან დაპირისპირების რეჟიმში გადასული. კარგია, რომ დასავლეთში არის საქართველოსთან მიმართებაში განხილვები ნებისმიერ ფორმატში.

ეს არის ძალიან მნიშვნელოვანი, რომ ჩვენ ვართ ყურადღების ქვეშ.

ის, რომ ხელისუფლებისგან გვქონდეს რამე მოლოდინი, რომ ყურადღებას მიაქცევენ და გაითვალისწინებენ – მე მგონი, ეს დიდი ხნის წინ უნდა დაგვემთავრებინა“, – განაცხადა ზურაბ (გირჩი) ჯაფარიძემ.

ავტორი
ნინი ხიჯაკაძე