“ირაკლი ღარიბაშვილი ბრიუსელში ჩავიდა არა როგორც საქართველოს, არამედ ბიძინა ივანიშვილის წარმომადგენელი” – პაატა მანჯგალაძე

საქართველოს პარლამენტის წევრი, პაატა მანჯგალაძე პოლიტიკურ შეფასებას აკეთებს პრემიერ-მინისტრ ირაკლი ღარიბაშვილის ბრიუსელში ვიზიტთან დაკავშირებით:

,,მაღალი რანგის ვიზიტები, შეხვედრები საქართველოს ხელისუფლების წარმომადგენლებთან მიუთითებს, რომ ისინი ქვეყანას ევროპაშიც და NATO-შიც ელოდებიან. უბრალოდ, ამას ,,ქართული ოცნება“ და ბიძინა ივანიშვილი ეღობება.

ირაკლი ღარიბაშვილი იქ ჩავიდა არა როგორც საქართველოს, არამედ ბიძინა ივანიშვილის წარმომადგენელი.

სამწუხაროა სწორედ ის, რომ არ ახმოვანებს იქ ქართველი ხალხის ნებას. ახმოვანებს ბიძინა ივანიშვილს, რომ საქართველო თურმე არ უნდა იყოს დაპირისპირების საგანი ევროპასა და რუსეთს შორის“, – განაცხადა პაატა მანჯაგლაძემ.

ავტორი
ნინი ხიჯაკაძე