საქართველოს პარლამენტის წევრი პაატა მანჯგალაძე პოლიტიკურ შეფასებას აკეთებს პრეზიდენტის ხელთ არსებულ შეწყალების მექანიზმზთან დაკავშირებით. ოპოზიციონერი ლიდერი, კონკრეტული მაგალითით, პარალელს ავლებს პატიმრობაში მყოფი ,,მთავარი არხის” გენერალური დირექტორის, ნიკა გვარამიას მიმართ წაყენებულ ბრალდებასა და მმართველი პარტიის წარმომადგენლების ქმედებებს შორის:
,,თუ ვინმეს ეკუთვნის ისარგებლოს შეწყალების უფლებით, ეს არის ნიკა გვარამია. შეწყალება თავისთავად ნიშნავს ჰუმანურ აქტს. თუ ამ ჰუმანურ აქტს არ ვიყენებთ ადამიანის მიმართ, რომელიც უკანონოდ არის რეჟიმის პატიმარი, მაშინ საერთოდ რატომ ვიყენებთ ამას?!
მე წინააღმდეგი კი არ ვარ – მადლობა, რომ ვიღაცებს ათავისუფლებს. მე ბუნებით ჰუმანისტი ადამიანი ვარ.
ადამიანს ბრალი ,,ქართული ოცნების” მხრიდან ედება იმაში, რომ ფირმის კუთვნილი ავტომანქანით ოჯახის წევრები გადაადგილდებოდნენ.
აღდგომას ხომ იყავით ყველა, რამდენი დაბურულ მინიანი სამთავრობო მანქანა იყო მისული სასაფლაოზე? მარტივ კითხვას დავსვამ – ეს ხალხი სასაფლაოზე სამსახურეობრივ მოვალეობას ასრულებდა?!”, – განაცხადა პაატა მანჯგალაძემ.
ავტორი
ნინი ხიჯაკაძე
”