საქართველოს მთავრობის კანცელარიასთან აქონდროპლაზიის დიაგნოზით დაავდებული ბავშვების მშობლები პრემიერ-მინისტრ, ირაკლი ღარიბაშვილთან შეხვედრას ითხოვენ, რათა მათი შვილებისთვის სასიცოცხლოდ მნიშვნელოვანი პრეპარატის მიწოდება მოხდეს:
,,ჩვენ გვინდა წამალი! ჩვენ გვინდა ჩვენი შვილებისთვის უკეთესი მომავალი. დღეს თუ ჩვენი შვილები დამარცხდებიან იცოდეთ, რომ მთელი საქართველოს ბავშვები დამარცხდებიან. ამიტომ დაგვიდექით ყველა დედა გვერდით!
დედა დაუმარცხებელია! თვით იერარქიებიც ვერ დაამარცხებს დედას. ამიტომ ჩვენ ყველა ერთად ვართ, ერთად, არ დავიშლებით!” – აცხადებს აქონდროპლაზიის დიაგნოზით დაავდებული ბავშვების მშობელი.
უკვე რამდენიმე დღეა სასოწარკვეთილი მშობლები აქციებს აწყობენ და შველას სთხოვენ ხელისუფლებას…
,,ჟანგბადი გაუკეთე შენ შვილსო, ეს წამალი არ უშველისო – ამას გვეუბნებიან. გვეუბნებიან შენი შვილისთვის გაზრდა უნდაო – რა გაზრდა?! მე ისეთივე მიყვარს, როგორიც არის ჩემი შვილი… ჩემი შვილი შარვალს როგორ იცმევს იცით? დაკუზულია, თავით ძირს დახრილი და ასე…
ხომ შეიძლება რომ ხელები, ფეხები გაეზარდოს?! ამას ვითხოვთ და მეტს არაფერს – წამალს!
მთელი საქართველოს დედებო, დებო, ძმებო, ნათესავებო – გამოდით, რომ გავაგებინოთ ამ ადამიანს, პრემიერს, რომ შეგვხვდეს და შემოიტანოს ეს წამალი!” – თხოვნით მიმართავს აქონდროპლაზიის დიაგნოზით დაავადებული ბავშვის მშობელი.
ავტორი
ნინი ხიჯაკაძე
