აქონდროპლაზიის დიაგნოზით დაავადებული ბავშვების მშობლებმა საქართველოს კანცელარიის შენობასთან საპროტესტო აქცია გამართეს. მათი მოთხოვნა არის, რომ სახელმწიფომ უზრუნველყოს საჭირო მედიკატის მოწოდება, რომელიც ამ დაავადების მატარებელი ბავშვებისთვის სასიცოცხლოდ მნიშვნელოვანია. პარტია ,,ლელოს“ ინიციატივა ფონდის შექმნასთან დააკავშირებით გააჟღერა პარლამენტის წევრმა ანა ნაცვლიშვილმა:
,,მინდა გავაჟღერო მამუკა ხაზარაძის ინიციატივა, რომ შეიქმნას სახელმწიფო ფონდი, რომელშიც სახელმწიფო, კერძო ბიზნესი და მოქალაქეები გავერთიანდებით იმისთვის, რომ დავეხმაროთ აქონდროპლაზიის დიაგნოზის მქონე ბავშვებს, მიიღონ მათთვის სასიცოცხლოდ აუცილებელი წამალი.
თავად მამუკა ხაზარაძე ამ ფონდში შევა პირველი შენატანით – 100 000 ლარის ოდენობით. ამავე დროს ჩვენ ყველაფერს გავაკეთებთ იმისთვის, რომ რაც შეიძლება ფართო საზოგადოებრივი ჩართულობით და მხარდაჭერით განხორციელდეს ეს ინიციატივა.
მოვუწოდებთ მთავრობას, რომ შექმნას ასეთი ფონდი“, – განაცხადა ანა ნაცვლიშვილმა.
ავტორი
ნინი ხიჯაკაძე
