კანდიდატის სტატუსზე უარის გამო გამართულმა საპროტესტო აქციამ, ე.წ. “ჩრდილოვანი კაბინეტის” თუ “ტექნიკური მთავრობის” იდეის წამოყენების გამო, განიცადა კრახი, – აცხადებს “ტაბულა მედიას” დამფუძნებელი, თამარ ჩერგოლეიშვილი, სოციალურ ქსელში გამოქვეყნებულ პოსტში და იქვე კომენტირებისას კონკრეტულ შედარებას ახდენს 2019 წლის 20 ივნისის საპროტესტო აქციასთან:
“აი მელიამ რომ პარლამენტში შესვლა დაანონსა 20 ივნისს, ეგეც არ იყო ავთენტური.
ანუ ვალი მოიხადა ემიგრირებული ბელადის ჩრდილის წინაშე, რომელიც ისტერიკაში იყო რომ “ყველაფერი წკიპზეა”.
ანუ მელიას დანაშაული ის კი არ იყო, რომ მართლა აპირებდა შევარდნას (არსად არ აპირებდა, სისულელეა), მისი დანაშაული ის იყო რომ ბელადის ისტერიკებს უპასუხისმგებლო რევერანსი გაუკეთა.
არც ამაზე მაქვს კონკრეტული ინფორმაცია. უბრალოდ ვხვდები იმიტომ რომ ეგეც ნაცნობი პატერნია – “ოქროს თევზები” ბელადებს ხშირად უნდებათ და განცხადებებს და ფაქტებს თუ გადააბამ, მაგას მიიღებ“, – მიაჩნია თამარ ჩერგოლეიშვილს.
