“ერთადერთი მიზეზი ამ ადამიანის ჯანმრთელობის მდგომარეობისა არის თვითონ ამ ადამიანის სურვილი, რომ იყოს ამ მდგომარეობაში და ამ მხრივ თავი დააღწიოს პატიმრობას” – ირაკლი ქადაგიშვილი მიხეილ სააკაშვილზე

საპროცედურო საკითხთა და წესების კომიტეტის თავმჯდომარე, ირაკლი ქადაგიშვილი კომენტარს აკეთებს საქართველოს მე-3 პრეზიდენტთან დაკავშირებით და აცხადებს, რომ ოპოზიციამ მიხეილ სააკაშვილს უნდა გადაუმოწმონ კვების რაციონი და ამით გაირკვევა ყველაფერი:

,,მიხეილ სააკაშვილთან დაკავშირებით ერთი რამ აქვს ოპოზიციას გასარკვევი – ყოველდღე რომ დადიან მასთან მშობლებთან ერთად, კვების რაციონი გადაუმოწმონ და დამთავრდება ამით ყველაფერი.

წელიწადნახევარია ვეხვეწებით, რომ ჩამოიყვანეთ ის ექიმი, რომელიც უმკურნალებს. ვერ ჩამოდის ეს ექიმი იმიტომ, რომ ყველა ექიმი, რომელიც პროფესიონალია ხვდება, რომ ერთადერთი მიზეზი ამ ადამიანის ჯანმრთელობის მდგომარეობისა არის თვითონ ამ ადამიანის სურვილი, რომ იყოს ამ მდგომარეობაში და ამ მხრივ თავი დააღწიოს პატიმრობას“, – განაცხადა ირაკლი ქადაგიშვილმა.

ავტორი
ნინი ხიჯაკაძე