“ნაციონალურ მოძრაობაში” ორ მხარეს შორის დაპირისპირების ახალ ფაზაში გადასვლას მწვავე პოზიცია-შეფასებებით და სამი თვის წინანდელი შეთავაზების შეხსენებით ეხმაურება პარტიის წევრი, უკრაინაში მებრძოლი, კობა ხაბაზი:
“ასე მგონია ეს კოშმარი არასდროს დასრულდება!
საუბედუროდ საკუთარ შეცდომას ვერცერთი მხარე ვერ ხედავს, ყველა ისეა გადართული ამ ლანძღვა-გინების მორევში, “დილა მშვიდობისა” რომ დავწერო პოსტში, მელიას მომხრეები ხაბეიშვილის ლანძღვას დაიწყებენ და ხაბეიშვილის მომხრეები მელიას.
გაინტერესებს რა უნდა გაეკეთებინა/გააკეთოს პარტიამ? [“ენმ-ის რეორგანიზაციის პროექტს” შეახსენებს კობა ხაბაზი, მის მიერ შეთავაზებულს. რედ.]
სხვისი ლანძღვა გაინტერესებთ? ვერ გამოვდგები და ნურც მაიძულებთ, თორემ თუ მაინც გადავაბიჯე საკუთარ თავს, ორივე მწარედ შემომელანძღება,” – წერს ფეისბუქის პირად გვერდზე კობა ხაბაზი.