,,ერთიანი ნაციონალური მოძრაობის” თავმჯდომარე, ლევან ხაბეიშვილი ჟურნალისტებთან კომენტარს აკეთებს რუსების მიერ საქართველოში მასობრივად შესყიდულ უძრავ ქონებასთან დაკავშირებით, რისი შესწავლა/გამოძიებაც არ ხდება და რის გამოც მწვავე პოზიციას აფიქსირებს პარტია “ქართული ოცნების” დამფუძნებლის ბიძინა ივანიშვილის მიმართ:
,,არაფერი გასაკვირი აღარ არის ის, რომ მაგალითად, პუტინთან დაახლოებული ოლიგარქები და ბიზნესმენები საქართველოში სხვადასხვა უძრავ ქონებას ეუფლებიან. არც არავის არ აინტერესებს – რა ინტერესები აქვთ, რა ფულია, ვინ არიან ეს ადამიანები, იმიტომ, რომ კრემლის აგენტურა, ჩვენდა სამწუხაროდ, არის ხელისუფლებაში.
შესაბამისად, არ უნდა გაგვიკვირდეს, როცა ვლაპარაკობთ, რომ რუსმა ოლიგარქმა რაიმე ქონება იყიდა. არა თუ იყიდა რაიმე ქონება, საქართველოს ხელისუფლება აქვს მიტაცებული პუტინის კარის ოლიგარქ ივანიშვილს.
ამიტომ მესმის წუხილი, აბსოლუტურად ნორმალური და ადეკვატურია, მაგრამ ვინმე რაიმეთი დაინტერესდება ან გამოიძიებს, ან მსგავსი მოხდებათქო – მოგატყუებთ იმიტომ, რომ ჩვენ და სამწუხაროდ, პუტინის გაგრძელება ხელისუფლება გვყავს დღეს საქართველოში”, – განაცხადა ლევან ხაბეიშვილმა.
ავტორი
ნინი ხიჯაკაძე
