“ჩვენ დეოლიგარქიზაციის შესახებ კანონში სრულად ავსახავთ ვენეციის კომისიის რეკომენდაციებს” – ანრი ოხანაშვილი

იურიდიულ საკითხთა კომიტეტის თავმჯდომარე, ანრი ოხანაშვილი განცხადებას აკეთებს დეოლიგარქიზაციის კანონპროექტთან დაკავშირებით და აცხადებს, რომ ვენეციის კომისიის რეკომენდაციები იქნება გათვალისწინებული:

,,დღეს, მე კომიტეტს წარვუდგენ ვენეციის კომისიის რეკომედაციების გათვალისწინებით იმ განახლებულ ვერსიას, რომლითაც ჩვენ დეოლიგარქიზაციის შესახებ კანონში სრულად ავსახავთ ვენეციის კომისიის რეკომენდაციებს.

უზრუნველყოფილი იქნება იმ პირების საპროცესი უფლებები, ვინც პოტენციურად შეიძლება მიჩნეულ იქნენ ოლიგარქებად.

რაც შეეხება ,,ნაციონალური მოძრაობის” მიერ წარმოდგენილ კანონპროექტს – ფაქტია, რომ მათ აირჩიეს, ასევე, ამ საკითხის კანონით დარეგულირების გზა. თუმცა, თქცენ გახსოვთ, რომ ისინი არ შემოვიდნენ სამუშაო ჯგუფში, საბოტაჟის რეჟიმში არ მიიღეს მონაწილეობა სამუშაო პროცესში. პრაქტიკულად ისინი ასეთი ქმედებით გამორიცხავდნენ ამ საკითხის კანონით დარეგულირებას”, – განაცხადა ანრი ოხანაშვილმა.

ავტორი
ნინი ხიჯაკაძე