“ერთმანეთში შეთანხმებულები არიან თუ არ არიან, ეს მეათე ხარისხოვანი საკითხია იმასთან შედარებით, რასაც ისინი ლამობენ, რომ ქვეყანას დამართონ” – გიორგი ვოსლკი

ოპოზიცია საგამოძიებო კომისიის შექმნასთან დაკავშირებით აცხადებს, რომ საკითხის განხილვა პარლამენტის სასესიო კვირისთვის გადაიდო, რადგანაც პარლამენტის 2 ოპოზიციონერი დეპუტატი ამჟამად საქართველოში არ იმყოფება. აღნიშნულ თემაზე კრიტიკულ შეფასებას აკეთებს პარლამენტის პირველი ვიცე-სპიკერი გიორგი ვოლსკი:

,,ერთმანეთში შეთანხმებულები არიან თუ არ არიან, ეს მეათე ხარისხოვანი საკითხია იმასთან შედარებით, რასაც ისინი ლამობენ, რომ ქვეყანას დამართონ.

შექმნეს ისტერიკა. მოიწვიეს ამ ისტერიკაში ჩასართვად პრეზიდენტი, რომელიც მე მგონი, სიამოვნებით დათანხმდება ამ პროცესებში მონაწილეობის მიღებას და აღმოჩნდა, რომ ორნი არ არიან აქ, არიან საზღვარგარეთ. რიგგარეშე სხდომა, რომელმაც შედეგი უნდა მოიტანოს ის, რომ კიდე ერთი დამატებითი მექანიზმი შექმნან ქვეყნის დესტაბილიზაციისათვის, რომ იქ სასამართლოს თემა ამოიღონ სამიზნედ“, – განაცხადა გიორგი ვოსლკიმ.

ავტორი
ნინი ხიჯაკაძე