9 აპრილის გავლენით პირად ცხოვრებაში მომხდარ ცვლილებებზე საუბრობს/იხსენებს ანალიტიკოს გია ხუხაშვილი და ემოციურ შეფასებებს აკეთებს ამ დღესთან მიმართებაში:
“ცხრა აპრილამდე რამდენიმე კვირით ადრე დავიცავი დისერტაცია კომბინატორულ ანალიზში და დავბრუნდი თბილისში აკადემიური მოღვაწეობის დაწყების მიზნით…
ცხრა აპრილმა ყველაფერი შეცვალა ჩემს პროფესიულ და პირად ცხოვრებაში…
ერთი დღე აღარ მიმუშავია სპეციალობით და პირად ცხოვრებაში ვიპოვე იმ ღამის დარბევის დროს დაკარგული მომავალი მეორე ნახევარი…
ცხრა აპრილმა ჩემთან ერთად შეცვალა ყველა ქართველი, მთელი ქვეყანა, მთელი სამყარო…
ამიტომ, ამაოა მავანის მცდელობა უკან დაატრიალოს ისტორია და ცხრა აპრილამდე დროში დაგვაბრუნოს, რადგან ჩვენ დავიცავთ ჩვენს განვლილ ცხოვრებას, აწმყოს და მომავალს…“, – წერს ფეისბუქის პირად გვერდზე გია ხუხაშვილი.
