“სტრატეგია აღმაშენებლის” წევრები ჭიათურის საკრებულოს სხდომას ესწრებიან. სხდომაზე “ჭიათურ მანგანუმის” საკითხი იხილება. დღის წესრიგის მიხედვით საკრებულოში კომპანიის მმართველს ელოდებიან, რომელმაც 6-წლიანი ანგარიში უნდა წარადგინოს. როგორც გიორგი ვაშაძე აცხადებს, ასობით მილიონი დოლარის მადანი გადის რაიონიდან, თუმცა ეს მოსახლეობაზე ეკონომიკურად არ ისახება:
“უმძიმესი ვითარებაა ჭიათურაში, ეკოლოგიური კუთხით. ასობით მილიონი დოლარის მადანი გადის და ამ რაიონის მოსახლეობას არაფერი არ ეტყობა. გაუბედურებელი ეკოლოგიური მდგომარეობა, ყვირილა შავია, გარდა ამისა გადათხრილია სოფლები, ძირგამოთხრილია სახლები და ზუსტად დღეს საკრებულოს სხდომაზე ადგილობრივმა მოსახლეობამ დააყენა ეს საკითხები.
სწორედ ამიტომ ჩვენ ჩამოვედით, რომ დავესწროთ ამ განხილვას. დღეს მიდის პირდაპირი ძარცვა ამ უმდიდრესი რაიონის, ხალხის გაღარიბება და კონკრეტული ადამიანების გამდიდრება, რაც არის უკანონო, უსამართლო და ამის წინააღმდეგ ჩვენ ყველა უნდა გავერთიანდეთ”, – აცხადებს გიორგი ვაშაძე.
ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” მედიასთან და საზოგადოებასთან ურთიერთობის სამსახური ავრცელებს
