პარტია ,,ქართული ოცნების” თავმჯდომარე ირაკლი კობახიძე ტელეკომპანია ,,იმედის” გადაცემაში ,,იმედი live” პოლიტიკურ შეფასებას აკეთებს 7-9 მარტის საპროტესტო აქციაზე და აცხადებს, რომ პრევენციის მიზნით, ნებისმიერი დამნაშავე პირის მიმართ კანონი უნდა აღსრულდეს, რათა არ მოხდეს მორიგი შტურმი პარლამენტზე. მმართველი პარტიის ლიდერს კონკრეტული შედარებები მოჰყავს 2019 წლის 20 ივნისის მოვლენებთან დაკავშირებით:
,,საბოლოო ჯამში, სწორედ ამნისტიამ წაახალისა ადამიანები, რომ კიდევ ერთხელ განეხორციელებინათ შტურმი პარლამენტის შენობაზე. ამას ჩვენ მომავალში ვეღარ დავუშვებთ.
პრევენციისთვის, რა თქმა უნდა, საჭიროა, რომ კანონი აღსრულდეს სათანადოდ ნებისმიერი იმ პირის მიმართ, რომელიც უმძიმეს ძალადობაში არის ეჭვმიტანილი.
რატომ ესარჩლებიან რადიკალური ოპოზიციის ლიდერები ამ ადამიანებს? სინამდვილეში, ეს ადამიანები სწორედ მათი ჩანაფიქრის ასრულებას ემსახურებოდნენ. მათი კოორდინაციით ხდებოდა ექსტრემისტული ქმედებების დაგეგმვა. ეს არის რეალობა, ხო?
ფრანკლინის კლუბი, რა თქმა უნდა, პირდაპირ არის რადიკალური ოპოზიცია ჩართული. მათი ლიდერები პირდაპირ ატარებენ იქ ტრენინგებს და ლექციებს; ,,სირცხვილია”, რომელიც არის ,,ნაც.მოძრაობის” ახალგაზრდული ექსტრემისტული ფრთა, ,,დროა” და ა.შ.
ესენი არიან თან რადიკალური ოპოზიცია, თან უცხოელი აგენტები – ოღონდ მათ აქვთ ექსტრემისტული მიზნები. ჩვენ ვერ ვიქნებით გულგრილი ამ ექსტრემისტული მიზნების მიმართ და რეაგირება მოჰყვება ნებისმიერ ექსტრემისტულ ქმედებას”, – განაცხადა ირაკლი კობახიძემ.
ავტორი
ნინი ხიჯაკაძე
