“დროა, ივანიშვილი გამოვიდეს და აიღოს მისი პერსონალური პასუხისმგებლობა!” – გიორგი გახარია

ამერიკის სახელმწიფო დეპარტამენტის მიერ საქართველოს 4 მოსამართლის მიმართ დაწესებულ სანქციას, “ქართული ოცნების” დამფუძნებელ, ბიძინა ივანიშვილთან დაკავშირებით მწვავე პოზიცია-შეფასებებით ეხმაურება ყოფილი პრემიერ-მინისტრი, პარტია “საქართველოსთვის” თავმჯდომარე, გიორგი გახარია:

“ბიძინა ივანიშვილმა “მიაღწია” იმას, რომ გირგვლიანის მოსამართლის გამო განაჩენი ამერიკამ მას და “ოცნებას” გამოუტანა.

ამერიკის მიერ ქართველი მოსამართლეების დასანქცირება ნათელი გზავნილია, რომ პასუხისმგებლობები პერსონალიზებული იქნება ყველასთვის, ვინც ძირს უთხრის ქართულ დემოკრატიას და კანონის უზენაესობას. დროა, ივანიშვილი გამოვიდეს და აიღოს მისი პერსონალური პასუხისმგებლობა!

ახლა მთავარია, ქვეყნის ევროპული მომავალი არ დაზიანდეს“, – წერს ფეისბუქის საკუთარ გვერდზე გიორგი გახარია.