ინფორმაციის თავისუფლების განვითარების ინსტიტუტი (IDFI) დედაქალაქის თვითმმართველობაში შტატგარეშე თანამშრომელთა ანაზღაურების, წარმომადგენლობითი და სხვა ხარჯების კვლევის შედეგებს ასაჯაროვებს:
2018 წელს მერიაში შტატიანი თანამშრომლების ანაზღაურება 2017 წელთან შედარებით 4 მლნ ლარით შემცირდა. მერიის შტატგარეშე თანამშრომელთა ანაზღაურება კი 3,4 მლნ ლარით გაიზარდა.
2018 წელს თბილისის საკრებულოს შტატგარეშე თანამშრომელთა ანაზღაურება 461 ათასი ლარით გაიზარდა. საშტატო თანამშრომელთა ანაზღაურება კი 171 ათასი ლარით შემცირდა.
2017 წელს თბილისის საკრებულოს საშუალო სამივლინებო თანხა დაახლოებით 3,000 ლარს შეადგენდა, ხოლო 2018 წელს – 5,000 ლარს.
მერიის მიერ 2018 წელს დახარჯული სატელევიზიო სარეკლამო თანხების 69% ტელეკომპანია „იმედშია” კონცენტრირებული.
მერიის საწვავის ხარჯი 2018 წელს 278 ათასი ლარით გაიზარდა. 2018 წლის მონაცემებით, მერია 370 ერთეულ ავტომობილს ფლობდა.
საკრებულოს საწვავის ხარჯები 2018 წელს 38 ათასი ლარით გაიზარდა. საკრებულოს ჯამში 40 ავტომობილი და 43 მძღოლი ემსახურებოდა.
მერიის წარმომადგენლობითი ხარჯები 2018 წელს წინა წელთან შედარებით 32%-ით არის გაზრდილი.
2017-2018 წლებში საკრებულოს წარმომადგენლობითი ხარჯი 77,507 ლარს შეადგენდა.
