პარტია ,,ქართული ოცნების” თავმჯდომარე ირაკლი კობახიძე განცხადებას აკეთებს კანდიდატის სტატუსის საკითხთან დაკავშირებით და აღნიშნავს, რომ ოპოზიცია ცდილობს ხელი შეუშალოს ამ პროცესს:
,,ვაკეთებთ და გავაკეთებთ ყველაფერს იმისათვის, რომ კანდიდატის სტატუსი მიიღოს ქვეყანამ. რაც შეეხება ოპოზიციას – ისინი ყველაფერს აკეთებენ იმისათვის, რომ მოხდეს საპირისპირო, ანუ ქვეყანამ არ მიიღოს კანდიდატის სტატუსი.
უფრო მეტიც, ისინი ელოდებიან დეკემბერს, რომ არ მივიღოთ კანდიდატის სტატუსი, რათა ეს ყველაფერი გამოიყენონ ქვეყანაში არეულობის შემოტანისთვის.
ისინი ვერც მალავენ, პირდაპირ აწარმოებენ აგიტაციას კანდიდატის სტატუსის წინააღმდეგ, რასაც შეუერთდა სალომე ზურაბიშვილი, რამდენიმე დღის წინ, როდესაც მოხსენება ჰქონდა საქართველოს პარლამენტში. მან პირდაპირ განაცხადა, რომ საქართველო არც შარშან იმსახურებდა კანდიდატის სტატუსს და არც წელს იმსახურებს”, – განაცხადა ირაკლი კობახიძემ.
ავტორი
ნინი ხიჯაკაძე
