“ამ აქციების უკან ვხედავთ უპასუხისმგებლო პოლიტიკოსებს. ვხედავთ ლაჩრებს და მშიშრებს“ – ირაკლი ზარქუა

საპარლამენტო უმრავლესობის წევრი, ირაკლი ზარქუა პოლიტიკურ შეფასებას აკეთებს 7-9 მარტის საპროტესტო აქციებზე და აცხადებს ვის ეკისრება პასუხისმგებლობის საკითხი:

,,აი, ამ აქციების უკან ვხედავთ უპასუხისმგებლო პოლიტიკოსებს. ვხედავთ ლაჩრებს და მშიშრებს. არა ერთხელ გვინახავს, როდესაც ამოქოქეს, ახალგაზრდები შეცდომაში შეიყვანეს, შემდეგ გვერდზე გადგნენ და მათზე წავიდა პასუხისმგებლობა.

ის, ვინც ძიების შედეგად გამოიკვეთება, რომ ახალგაზრდებს უბიძგეს ამ ქმედებისკენ, რომ ადამიანის, პოლიციის უფლებები, თავისუფალი შეკრების პირობები დაერღვია და ძალადობაში გადაიყვანეს, ბუნებრივია, არ აქვს მნიშვნელობა ვინ იქნება ეს, ყველა იქნება პასუხისგებაში მიცემული“, – განაცხადა ირაკლი ზარქუამ.

ავტორი
ნინი ხიჯაკაძე