სამედიცინო ცენტრ ,,ვივამედის” კლინიკური დირექტორი, ზურაბ ჩხაიძე ჟურნალისტებთან განცხადებას აკეთებს სახალხო დამცველის ეგით შექმნილი კონსილიუმის წევრი ექიმების ვიზიტზე საქართველოს მე-3 პრეზიდენტთან. როგორც ზურაბ ჩხაიძე აღნიშნავს, მიხეილ სააკაშვილს არ აღენიშნება ჯანმრთელობის მდგომარეობის განსაკუთრებული გაუარესება:
,,რაც შეეხება პაციენტის მდგომარეობას, თვითონაც აღნიშნეს, რომ რაიმე განსაკუთრებული გაუარესება, რაც თავადაც ნახეს ბოლო პერიოდში, ეს იქნება მაგალითად, ნევროლოგიური სტატუსი, – არ აღენიშნება პაციენტს.
პაციენტს გადაადგილება შეუძლია. დამოუკიდებლადაც შეუძლია, გარკვეულ მანძილზე, მაგრამ იყენებს, რა თქმა უნდა, დამხმარე საშუალებასაც.
ჩვენ ამიტომ გვყავდა მოწვეული სპეციალისტი, რეაბილიტოლოგი, რომელიც ატარებდა შესაბამის პროცედურებს, რომ კიდევ უფრო გააქტიურებულიყო. ეს ხელს უწყობდა თუნდაც კუნთოვანი მასის განვითარებას, თუნდაც მოძრაობაში გააქტიურებას და ა.შ.
სამწუხაროდ, პაციენტმა უარი განაცხადა ამ პროცედურების გაგრძელებაზე. ჩვენ არაერთხელ გვყავდა მოწვეული სპეციალისტი, რომელმაც ასევე დააფიქსირა ჩაკეტილ სივრცეში ყოფნის შეუგუებლობა. ეს არის, რა თქმა უნდა, ერთ-ერთი ფაქტორი”, – განაცხადა ზურაბ ჩხაიძემ.
ავტორი
ნინი ხიჯაკაძე
