საპარლამენტო უმრავლესობის წევრი, მამუკა მდინარაძე შეფასებებს აკეთებს საქართველოს მე-3 პრეზიდენტის ჯანმრთელობის მდგომარეობასთან დაკავშირებით და აცხადებს, რომ მიხეილ სააკაშვილი გამიზნულად მიმართავს თვითდაზიანებას:
,,რატომ არ იღებს [მიხეილ სააკაშვილი] სხვა სამედიცინო მომსახურებას?! მაგალითად, გადასხმებით რატომ არ იღებს იმ კალორაჟს, რაც მარტივი შესაძლებელია სამედიცინო თვალსაზრისით?!
შესაბამისად, ეს არის მთავარი მტკიცებულება იმისა, რომ ის თვითდაზიანებას გათავისუფლების იმედად აგრძელებს.
მარტივად შეუძლია ყველას კითხვა დასვას – რატომ არ იკეთებს გადასხმას?! ხო ყველამ ვიცით ახლა, ამას დიდი ექიმობა და სამედიცინო სფეროს განსწავლულობა არ სჭირდება – გადასხმას გაიკეთებს და პრობლემა არ იქნება, კიდეც რომ ვერ ჭამოს.
სინამდვილეში ჭამაც შეუძლია და კალორაჟს არ იღებს თვითდაზიანების მიზნით”, – განაცხადა მამუკა მდინარაძემ.
ავტორი
ნინი ხიჯაკაძე
