“მე ვხედავ, რომ ძალიან ცუდ მდგომარეობაშია – ცარიელი ძვალი და ტყავია ადამიანი” – გიული ალასანია

საქართველოს მე-3 პრეზიდენტის ჯანმრთელობის მდგომარეობაზე ჟურნალისტებთან კომენტარს აკეთებს მიხეილ სააკაშვილის დედა, გიული ალასანია:

,,იძახიან, რომ იკლებს, ხან – იმატებს. თურმე არ ჭამს, მაგრამ იმატებს. ეს როგორ ხდება უკვე, მეც არ ვიცი?! მე ვხედავ, რომ ძალიან ცუდ მდგომარეობაშია – ცარიელი ძვალი და ტყავია ადამიანი. ვერ მოძრაობს, არანაირი ძალა არ აქვს საერთოდ.

ყოველ წუთში შემოდის ექთანი და რაღაცა ტაბლეტებს აძლევს. არასოდეს არ გამიგია, რომ რამეზე უარი ეთქვას.

პოლონელ ექიმებთან დაკავშირებით მე არანაირი ინფორმაცია არ მაქვს. იმიტომ, რომ ეს ჩემი ინიციატივით არ ყოფილა. ვიცი, რომ ისინი მზად არიან. გამზადებული აქვთ სპეცრეისი შესაბამისი აღჭურვილობით, რომელიც შესაძლებლობას მისცემს საჭირო ანალიზები ჩაატარონ.

როგორც კი სახალხო დამცველის კონსილიუმი შემოვა და დადებენ თავის დასკვნას, [საქმე] მაშინვე წავა სტრასბურგში“, – განაცხადა გიული ალასანიამ.

ავტორი
ნინი ხიჯაკაძე