პარტია ,,ქართული ოცნების” თავმჯდომარე ირაკლი კობახიძე ჟურნალისტებთან კომენტარში თავის პოზიციას აფიქსირებს და კონკრეტულ შეფასება-განმარტებებს აკეთებს პატიმრობაში მყოფ საქართველოს მე-3 პრეზიდენტ, მიხეილ სააკაშვილსა და ,,მთავარი არხის” გენერალური დირექტორ ნიკა გვარამიასთან მიმართებაში:
,,რაც შეეხება დამნაშავეების გათავისუფლებას – ეს არ არის 12 პუნქტის შემადგენელი ნაწილი.
აქედან გამომდინარე, რა თქმა უნდა, ამაზე საუბარი არის პრინციპულად არასწორი.
რა თქმა უნდა, მიხეილ სააკაშვილი და ნიკა გვარამია, ერთიც და მეორეც არის დამნაშავე. ისინი არიან მხილებული მძიმე დანაშაულებში.
გვარამია არ არის დაჭერილი ავტომობილის მოხმარებისთვის. ის არის დაჭერილი საკუთარი ყოფილი ტელეკომპანიის 7 მილიონით გაძარცვისთვის”, – განაცხადა ირაკლი კობახიძემ.
ავტორი
ნინი ხიჯაკაძე
