საქართველოს მე-3 პრეზიდენტთან, მიხეილ სააკაშვილთან ,,წამების საწინააღმდეგო კომიტეტი“ კლინიკა ,,ვივამედში“ შევიდა. აღნიშნულ თემაზე ჟურნალისტებთან კომენტარი გააკეთა ადვოკატმა შოთა თუთბერიძემ:
,,ჩემი აზრით, ეს ადამიანები საბოლოო ჯამში მოამზადებენ გარკვეულ შეფასებას, რომელიც იქნება ერთ-ერთ ფუნდამენტი, რაზე დაყრდნობითაც უნდა ჩამოყალიბდეს, ფორმირდეს ზოგადად ევროპული შეხედულება საქართველოზე. მათ შორის, ევროპასთან ასოცირების ხელშეკრულების შესრულება რამდენად მიმდინარეობს სწორად.
მე ვფიქრობ, რომ ეს ბატონები ამ მისიის შესრულების დროს, ასე ვთქვათ, სახარბიელოს საქართველოს ხელისუფლებისთვის და სამწუხაროდ, საქართველოს სახელმწიფოსთვის ვერაფერს ნახავენ. ჩემი აზრით, მათი დასკვნა იქნება საკმაოდ მკაცრი“, – განაცხადა შოთა თუთბერიძემ.
ავტორი
ნინი ხიჯაკაძე
კომენტარები - დატოვეთ თქვენი მოსაზრება