საქართველოს მე-3 პრეზიდენტს ნორვეგიელი პოლიტიკოსის შურ ლინდერბრექეს სახელობის პრიზი გადაეცა, რაზეც ორინიულ და კრიტიკულ შეფასებას აკეთებს პრემიერ-მინისტრი ირაკლი ღარიბაშვილი. მის განმარტებით, მიხეილ სააკაშვილისთვის ნორვეგიელი პოლიტიკოსის შურ ლინდერბრექეს სახელობის ჯილდოს გადაცემა საქართველოს მოსახლეობის დაცინვა და შეურაცხყოფაა:
,,2012 წელს ჩვენ საშინელი, ჯოჯოხეთური რეალობა დაგვხვდა, დანაშაულებრივი სისტემა ადამიანებს აწამებდა, აუპატიურებდა, ტანჯავდა, კლავდა. ჩვენი ხალხის რამხელა დაცინვა და შეურაცხყოფაა, რომ მთელ მსოფლიოში ცნობილი ავტორიტარული, თითქმის დიქტატორული ყოფილი მმართველი სააკაშვილი, რომელიც იყო მჩაგვრელი, მკვლელი, სისტემის შემოქმედი, დააჯილდოვეს ადამიანის უფლებების დარგში მიღწეული რაღაცისთვის… ეს ხომ ჩვენი ხალხის დაცინვაა?! ეს ხომ წარმოუდგენელია?!
ამიტომ ეს არის დაცინვა ჩვენი ხალხის. რა თქმა უნდა, ეს არაფერს არ ნიშნავს. რადგანაც ნორვეგიის ამ ორგანიზაციიდან ასეთი დამოკიდებულებაა – ნორვეგიაში გახსოვთ, რომ ბრეივიკმა ძალიან ბევრი ადამიანი დახოცა. ეს არის დაახლოებით იგივე, რომ რომელიმე ქვეყანამ ბრეივიკს მისცეს ეს ჯილდო.
სააკაშვილმა ასობით ადამიანი, ახალგაზრდა ადამიანი პირდაპირ ჩახოცა. მიხეილ სააკაშვილი არის გასამართლებული გირგვლიანის მკვლელობის საქმეში მონაწილეობისთვის, ჩართული იყო. მისი რეჟიმი იყო მკვლელი რეჟიმი“, – განაცხადა ირაკლი ღარიბაშვილმა.
ავტორი
ნინი ხიჯაკაძე
