“გუბაზ სანიკიძეს სამარცხვინოდ მოუწია გაქცევა პარლამენტის შენობიდან” – ირაკლი კობახიძე

პარლამენტში დღეს ინტერპელაციის წესით პრემიერ-მინისტრ ირაკლი ღარიბაშვილს მოუსმინეს. სესიის მიმდინარეობისას სიტყვიერი და ფიზიკური დაპირისპირება მოხდა ფრაქცია ,,ქართული ოცნების” დეპუტატებსა და ფრაქცია ,,ერთიანი ნაციონალური მოძრაობა – ძალა ერთობაშიას” წევრ გუბაზ სანიკიძეს შორის. ინციდენტთან დაკავშირებით კომენტარი გააკეთა მმართველი პარტიის თავმჯდომარემ, ირაკლი კობახიძემ:

,,დეტალები არ ვიცი, მაგრამ მე ერთადერთი რამე შემიძლია გითხრათ, გუბაზ სანიკიძეს სამარცხვინოდ მოუწია გაქცევა პარლამენტის შენობიდან.

ეს იყო სათანადო პასუხი იმ სამარცხვინო განცხადებაზე, რომელიც მან გააკეთა.

რაც შეეხება ასი ათას დოლარს – ყველამ იცის, ვინც საქმეშია ჩახედული, რომ მას ,,ნაციონალობისთვის” აქვს აღებული ასი ათასი დოლარი.

მილიონი ვერ იშოვა, მაგრამ ასი ათასი დოლარი იშოვა”, – განაცხადა ირაკლი კობახიძემ.

ავტორი
ნინი ხიჯაკაძე