პარლამენტის პლენარულ სხდომაზე, დარბაზში, სიტყვიერი და ფიზიკური დაპირისპირება მოხდა. მომხდარ ფაქტთან დაკავშირებით კომენტარი გააკეთა საპარლამენტო პოლიტიკური ჯგუფის “რეფორმების ჯგუფის” თავმჯდომარემ, ხათუნა სამნიძემ:
,,მათთვის შესაძლებელია მძიმე იყოს იმის მოსმენა, რომ ჩვენ მოღალატეებს ვეძახით. იმ ადამიანებს, ვინც დააინიცირა ეს კანონი, ხელი მოაწერა და ხელი ,,მწვანეს“ დააჭირა.
დიახ, ისინი მოქმედებენ ქვეყნის ინტერესების საწინააღმდეგოდ და ღალატობენ ამ ქვეყანას!
ეს შეფასებები, მათთვის არის მძიმე. იმის ნაცვლად, რომ შეწყვიტონ ამ კანონპროექტზე საუბარი, შეწყვიტონ ამ კანონპროექტის სულისკვეთებით მოქმედება, პირიქით, აგრძელებენ და გვეძახიან აგენტებს.
ამას მოჰყვა შელაპარაკება. შემდეგ უკვე ფიზიკური დაპირისპირება. ბატონმა ვიქტორ ჯაფარიძემ ისროლა მიკროფონი, სოზარ სუბარი ტარიელ ნაკაიძეს პირდაპირ ეძახდა ჯაშუშს“, – განაცხადა ხათუნა სამნიძემ.
ავტორი
ნინი ხიჯაკაძე
