“ჩამოშლის პირას მყოფი “ქართული ოცნება” ფიქრობს, რომ განათლების მინისტრის შეცვლის შემთხვევაში, ძალისმიერი მეთოდებით დაელაპარაკება ახალგაზრდებს ან საგანმანათლებლო წრეებს” – გიორგი ვაშაძე

,,ქართულ ოცნებაში” საკადრო ცვლილებები მიმდინარეობს. პრემიერ-მინისტრის განცხადებით, განათლების და მეცნიერების მინისტრად გიორგი ამილახვარი დაინიშნა. აღნიშნულ საკითხზე კომენტარი გააკეთა ,,სტრატეგია აღმაშენებლის” თავმჯდომარემ, პარლამენტის დეპუტატმა გიორგი ვაშაძემ:

,,ჩამოშლის პირას მყოფი ,,ქართული ოცნება” ფიქრობს, რომ განათლების მინისტრის შეცვლის შემთხვევაში, ძალისმიერი მეთოდებით დაელაპარაკება ახალგაზრდებს ან საგანმანათლებლო წრეებს და ამით რამეს გამოასწორებს.

ბატონი ამილახვარი, სანამ დეპუტატი გახდებოდა, ,,ნაც. მოძრაობის” გულშემატკივარი იყო. ახლა ფიქრობს, რომ აქ, ასე ვთქვათ, გადაბარგებით მინისტრის პორტფოლიოში, რამეს მოირგებს ან პერსონალურ ბენეფიტებს მიიღებს.

ყველა ადამიანი, ვინც რუსული რეჟიმის დავალებებს შეასრულებს, სამწუხაროდ, ცხოვრების მანძილზე იქნება მძიმე ლაქის და დამღის მატარებელი”, – განაცხადა გიორგი ვაშაძემ.

ავტორი
ნინი ხიჯაკაძე