“კანონპროექტის ინიციატორებმა, “ხალხის ძალის” წევრებმა პარლამენტი უნდა დატოვონ” – ანა დოლიძე

ე.წ. “აგენტების შესახებ” კანონპროექტის პარლამენტში ინიცირების გამო, რასაც საპროტესტო აქციები და კანონპროექტის მე-2 მოსმენით ჩაგდება მოჰყვა, კონკრეტული მოთხოვნით, ეხმაურება პარტია “ხალხისთვის” ლიდერი ანა დოლიძე:

“კანონპროექტის ინიციატორებმა, “ხალხის ძალის” წევრებმა პარლამენტი უნდა დატოვონ. მათ, როგორც პარლამენტის წევრებს, აქვთ ნულოვანი ლეგიტიმაცია, მათ დაარღვიეს კონსტიტუცია.

ჩვენი კანონმდებლობა არ ცნობს პარლამენტის წევრების გაწვევის სამართლებრივ მექანიზმს, მაგრამ ამ პირებმა უნდა იგრძნონ საზოგადოებისგან, რომ ისინი არ არიან ვინმეს ხმა“, – წერს ფეისბუქის საკუთარ გვერდზე ანა დოლიძე.