სპეციალური საგამოძიებო სამსახური განცხადებას ავრცელებს ჟურნალისტისთვის პროფესიულ საქმიანობაში უკანონოდ ხელის შეშლის ფაქტთან დაკავშირებით მიმდინარე გამოძიებაზე:
“სპეციალურმა საგამოძიებო სამსახურმა, სოფელ ბახვში “TV პირველის“ ჟურნალისტ ნატო გოგელიასთვის პროფესიულ საქმიანობაში უკანონოდ ხელის შეშლის ფაქტზე, საქართველოს სისხლის სამართლის კოდექსის 154-ე მუხლის პირველი ნაწილით გათვალისწინებული დანაშაულის ნიშნებით გამოძიება დაიწყო.
სპეციალური საგამოძიებო სამსახური, სწრაფი და ობიექტური გამოძიების უზრუნველსაყოფად, ყველა საჭირო საგამოძიებო და საპროცესო მოქმედებას ატარებს“, – ნათქვამია გავრცელებულ განცხადებაში.
ინფორმაციისთვის: როგორც ჟურნალისტი ნატო გოგელია აცხადებს, მას დაუპირისპირდა და ფიზიკური დაზიანებები მიაყენა პირმა, რომელიც მონაწილეობდა პარლამენტის წინ აღმართული ევროკავშირის დროშის ჩამოხსნაში, რომელიც შემდგომ “ალტინფოს” მიერ ორგანიზებული აქციის მონაწილეებმა დაწვეს.
ინფორმაციას სპეციალური საგამოძიებო სამსახურის საზოგადოებასთან ურთიერთობის დეპარტამენტი ავრცელებს
