,,ალტ-ინფოს“ წარმომადგენლებმა პარლამენტთან აქცია გამართეს, სადაც ევროკავშირის დროშა ჩამოხსნეს და დაწვეს. აღნიშნულ ფაქტთან დაკავშირებით ჟურნალისტებთან განცხადებას აკეთებს საქართველოს პარლამენტის თავმჯდომარე შალვა პაპუაშვილი:
,,ვინც შებღალა ევროკავშირის დროშა იქნება იდენტიფიცირებული და ადმინისტრაციული წესით, შესაბამისად დასჯილი.
სამწუხარო ის არის, რასაც ჩვენ ვხედავთ – რადიკალიზმი წარმოშობს რადიკალიზმს. ასეთი ქცევა მიუღებელი არის, ვისგანაც არ უნდა მოდიოდეს ეს.
დროშა სათანადო პატივით დაბრუნდება თავის ადგილას!
რაც შეეხება ლოზუნგების მოყვარულ დეპუტატებს, რომლებიც ახლა მოუწოდებენ სხვადასხვა სიმბოლიზმისკენ – არასწორი მიდგომაა!
როდესაც პარლამენტის შენობის ფანჯრები იმსხვრეოდა, მაშინ უნდა ეფიქრათ ევროპაზე. თუ კი ევროპაზე საუბრობენ, ევროპის დროშა მათ გულში უნდა ფრიალებდეს და მათი ქცევა უნდა იყოს ევროპული!
[ჟულნალისტების შეკითხვა პრევენციაზე, ევროკავშირის დროშის დაცვასთან დაკავშირებით]
როდესაც პარლამენტის შენობაზე წარწერები კეთდებოდა, ფანჯრები იმსხვრეოდა, ჯებირები კი არა – პარლამენტის ჭიშკრის დამტვრევის მცდელობა იყო, მაშინ ევროპის გულით ანთებულ ხალხს რომ ეთქვა ამასთან დაკავშირებით – კარგი იქნებოდა.
რაც შეეხება ამ შემთხვევას, სათანადო რეაგირება იყო. შესაბამისი პირები იქნებიან მიცემული პასუხისგებაში, ადმინისტრაციული წესით”, – განაცხადა შალვა პაპუაშვილმა.
ავტორი
ნინი ხიჯაკაძე