საქართველოს პრემიერ-მინისტრი, ირაკლი ღარიბაშვილი, ტელეკომპანია ,,იმედის’’ გადაცემაში ,,იმედის კვირა”, პოლიტიკურ შეფასებებს აკეთებს საქართველოს მე-3 პრეზიდენტის საქართველოში ჩამოსვლასთან დაკავშირებით. მთავრობის მეთაურის აზრით, ეს იყო ერთგვარი ნაბიჯი, რომ მიხეილ სააკაშვილს ქვეყანაში შემოსვლის შემდეგ დაეწყო გადატრიალება და უკრაინის პარალელურად, რუსეთის წინააღმდეგომში ჩართულიყო:
,,სააკაშვილი ორგანიზებულად შემოაგზავნეს. მთავარი მიზანი იყო, აქ გადატრიალების მოწყობა და საჭირო დროს ქვეყნის ომში ჩართვა. ამაში ჩვენ დღეს ეჭვი აღარ გვეპარება. ვაკვირდებით რა იმ ფაქტებს და ვაანალიზებთ, რომელიც უკვე შემდეგ განვითარდა.
ევროპარლამენტმა თავის სამარცხვინო რეზოლუციით პირდაპირ აღიარებით ჩვენება მოგვცა. გვითხრა – სააკაშვილი, ძალიან მარტივად სახელი რომ დავარქვათ ყველაფერს, არის მათი აგენტი. ისინი ყველაფერს აკეთებენ, რომ მათი აგენტი გადაარჩინონ და გაიყვანონ ციხიდან. ეს ასე არ მოხდება!
ჩვენ მათ ვუთხარით და ძალიან ბევრ პარტნიორს, რომ სააკაშვილი ბევრი მძიმე დანაშაული ჩაიდინა. ისეთი, როგორიც არის გირგვლიანის მკვლელობა და ამ საქმეში მისი მონაწილეობა; ვალერი გელაშვილის ცემის ფაქტი – ყოფილი დეპუტატის, რომელიც სიკვდილის პირას მიიყვანეს, ისე სცემეს; ტელეკომპანია ,,იმედის“ მითვისება; კორუფციული ბრალდებები. ბოლოს დაიმატა ამ ადამიანმა – უკანონოდ შემოჭრა ქვეყანაში, უკანონო საზღვრის კვეთა.
ამის შემდეგ, რა თქმა უნდა, ჩვენ არავითარი სამართლებრივი გამოსავალი, არც სურვილი, რომ რაღაც კანონი დავარღვიოთ – არ არსებობს. ჩვენ კანონს ვერ დავარღვევთ, ვერ დავარღვევთ კონსტიტუციას.
სააკაშილი დღეს არის პატიმარი. მე არ მინდა პატიმარზე ბევრი ვილსპარაკო. მე ერთგვარი პირობაც კი ვთქვი, რომ აღარ მინდა სააკაშვილზე საუბარი’’, – განაცხადა ირაკლი ღარიბაშვილმა.
ავტორი
ნინი ხიჯაკაძე
