,,ლეიბორისტული პარტიის“ თავმჯდომარე შალვა ნათელაშვილი საგანგებო ბრიფინგზე განცხადებას აკეთებს, პარტია ,,ქართულ ოცნებას“ მიმართავს და აცხადებს, რომ რევოლუციური შედეგი და ცვლილება, მათ შორის, გეოპოლიტიკურად – სახეზეა, შესაბამისად ხელისუფლებამ უნდა დანიშნონ ახალი არჩევნები:
,,დღეს, ყოველი ქართველი ოცნებობს, იხილოს ჩვენი ქვეყანა ივანიშვილის კორუმპირებული, ოკუპაციური ,,ქართული ოცნების“ გარეშე.
მე წინადადებას ვაძლევ მმართველ რეჟიმს – ნებაყოფლობით დათმონ ძალაუფლება და გამოაცხადონ ახალი არჩევნები. ეს არის ერთადერთი გზა არსებული მდგომარეობის განსამუხტად და ქვეყნის წინსვლისათვის, მომავლის დიდ გზაზე. სხვა შემთხვევაში გაითვალისწინეთ, რომ ის ახალგაზრდები, სტუდენტები და ქართველი ხალხი – ისევ აქ არის. ისინი არ დაუშვებენ იმას, რისი იმედიც მმართველ რეჟიმს ჰქონდა.
რევოლუციური შედეგი და ცვლილება, მათ შორის, გეოპოლიტიკურად – სახეზეა. არა მარტო საქართველო გადავიდა განვითარების ახალ სტადიაზე ამ დღეებისა და ახალგაზრდების წყალობით, არამედ პოსტსაბჭოთა სივრცეც გათავისუფლდა რუსული ანექსიის საშიშროებისგან, რასაც მოსკოვი სწორედ ამ ,,აგენტების“ კანონის მეშვეობით აპირებდა“, – განაცხადა შალვა ნათელაშვილმა.
ავტორი
ნინი ხიჯაკაძე