“კატეგორიულად არ ვეთანხმები “გირჩს”, რომ გაწვევა უნდა გავაუქმოთ” – ალეკო ელისაშვილი თავდაცვის ახალი კოდექსთან დაკავშირებით

თავდაცვის ახალი კოდექსთან დაკავშირებით თავის პოზიციას აფიქსირებს საპარლამენტო პოლიტიკური ჯგუფის “მოქალაქეები” თავმჯდომარე, ალეკო ელისაშვილი:

“თუ გვინდა, რომ გვქონდეს უსაფრთხო ქვეყანა, უნდა დავაბრუნოთ გაწვევის სისტემა, მაგრამ ეს გაწვევა უნდა იყოს სამართლიანი, სწორი და ყველასთვის.

კატეგორიულად არ ვეთანხმები “გირჩს”, რომ გაწვევა უნდა გავაუქმოთ.

მე მაქვს არგუმენტები და შემიძლია ავუხსნა ხალხს, თუ რატომ არის ჩვენნაირი მოცულობის და ოდენობის ქვეყანაში, ჩვენნაირ უმძიმეს რეგიონში, ოკუპირებულ ქვეყანაში რატომ არის აუცილებელი საკონტრაქტო ჯართან ერთად იყოს დიდი რაოდენობით მომზადებული რეზერვი და მას შევქმნით მხოლოდ და მხოლოდ გაწვევის აღდგენის შემთხვევაში“, – აცხადებს ალეკო ელისაშვილი.