მომღერალი გია გაჩეჩილაძე, საკუთარ საავტორო გადაცემაში “უცნობის კიდობანი”, რამდენიმე დღის განმავლობაში, რუსთაველის გამზირზე, პარლამენტის წინ გამართულ საპროტესტო აქციების მონაწილე ახალგაზრდებს მიმართავს:
“ჩემო შვილებო, ახალგაზრდებო, მამა-შვილურად მინდა მოგმართოთ.
მე ვიცი ახლა, ძალიან ბევრი ამას არც გაითვალისწინებს, შეიძლება ზიზღის თვალებითაც შემომხედოს, იმიტომ რომ ბრბოს მენტალიტეტი ვერ იტანს ჭკუის დარიგებას, ვერ იტანს რჩევების მიცემას, მაგრამ იყვნენ ისეთი ადამიანებიც, ვინც გულწრფელად იდგნენ ევროპის და არა რუსეთის წინააღმდეგ, იმათ მოგმართავთ, რომ ეს 2 სიტყვა – ევროპაც და რუსეთიც არის სატყუარა, რომელზეც თქვენ წამოეგეთ.
… სადაც მეტყვით იქ ვიგულავოთ, კონცერტს ჩავატარებ, რამდენსაც გინდათ, უფულოდ, უფასოდ, ოღონდ იქ [აქციებზე] სიარულს თავი დაანებთ, არ არის თქვენი საქმე, გატყუებენ. თქვენს ენერგეტიკას იყენებენ ქვეყნის წინააღმდეგ“, – აღნიშნა გია გაჩეჩილაძემ.