შინაგან საქმეთა სამინისტროს განცხადებით, უწყება შეისწავლის პოლიციელების მიმართ განხორციელებულ წინააღმდეგობის ფაქტებს და მონაწილე აქტივისტები კანონის სრული სიმკაცრით დაისჯებიან. აღნიშნულ განცხადებაზე მწვავე შეფასებას აკეთებს ,,ერთიანი ნაციონალური მოძრაობის“ თავმჯდომარე ლევან ხაბეიშვილი:
,,მინდა გამოვეხმაურო შინაგან საქმეთა სამინისტროს, რუსული ოცნების, კრემლის აგენტურას განცხადებას. ამ კრემლისგან მართულმა გომელაურმა, დღეს, პატარა სათამაშო ადამიანის მეშვეობით, დაემუქრა ჩვენს ახალგაზრდებს და სტუდენტებს და თქვა, რომ თურმე უმკაცრესად დაისჯებიან ახალგაზრდები.
მე მინდა, გაგაფრთხილოთ – ნუ ეთამაშებით ამ ახალგზარდებს! ნუ ხართ პროვოკაციულები! ნუ ცდილობთ, პროვოკაციაზე და მათ ნერვებზე წამოკიდებას! შეეშვით ყველას, ვინც იცავდა ევროპულ მომავალს!
თუ თქვენ გააგრძელებთ ვენდეტას ამ ადამიანების მიმართ, მე დარწმუნებული ვარ, რომ არა თუ პოლიტიკოსები, პოლიტიკური პარტიები, ეს ახალგაზრდები და ეს ადამიანები გაგცემენ პასუხს!
ამიტომ ვაფრთხილებ კრემლის აგენტს, რუსული ოცნებიდან, ბატონ გომელაურს, ღარიბაშვილს, კობახიძეს და ბიძინა ივანიშვილს – არცერთ აქტივისტს, სტუდენტს, ახალგაზრდას თითი არ დაედოს, თორემ წინააღმდეგ შემთხვევაში დარწმუნებული ვარ ამ ადამიანებისგან პასუხი იქნება ადეკვატური“, – განაცხადა ლევან ხაბეიშვილმა.
ავტორი
ნინი ხიჯაკაძე
