“ეს ადამიანები დანდობას არ იმსახურებენ!” – ნინო ჯანგირაშვილი “ქართული ოცნების” წევრებზე

სოციალურ ქსელში მმართველი პარტიის წევრებთან მიმართებაში მწვავე პოზიციას აფიქსირებს ტელეკომპანია “კავკასია”-ს გენერალური დირექტორი, ნინო ჯანგირაშვილი:

“ზუსტად ვიცი, რომ მოვა დრო და ვნახავ “ოცნების” დღევანდელ წევრებს გასაცოდავებულებს, ციხეში გამომწყვდეულებს და ატირებულებს.

ხოდა, საკუთარი თავის ამბავი რომ ვიცი, შემეცოდებიან. ამიტომ ახლა აქ დავწერ რომ მემორიმ ამომიგდოს და არ შემეცოდონ:

ქოცები ყიდიან სამშობლოს, უსპობენ პერსპექტივას, განვითარებას და მომავალს, გლეჯენ ორგანული სივრციდან და ექაჩებიან რუსეთში, სადაც მხოლოდ სისხლი, ძალადობა, დიქტატურა და კატასტროფაა, ღიად აკანონებენ ადამიანების დევნას და რეპრესიებს, მზად არიან ამოგვხოცონ, ოღონდ მათ სალაფავს არ შეექმნას საფრთხე, ათობით ათას ქართველს წირავენ სიღატაკისთვის, დაუცველობისთვის, უბედურებისთვის. ყველაფერზე აწერენ ხელს მათი ძუნგლიანი ძალაუფლების შესანარჩუნებლად.

ეს ადამიანები დანდობას არ იმსახურებენ!” – წერს ფეისბუქის პირად გვერდზე ნინო ჯანგირაშვილი.