“საქართველოს სასამართლოებმა ფაქტიურად მიიღეს ის პოლიტიკური გადაწყვეტილებებები, რა პოლიტიკურ დავალებებსაც მათ მმართველი ძალა აძლევდა” – შალვა ხაჭაპურიძე მიხეილ სააკაშვილის საქმეზე

საქართველოს მე-3 პრეზიდენტის ადვოკატი, შალვა ხაჭაპურიძე აცხადებს, რომ მიხეილ სააკაშვილის საქმე საქართველოში ბოლო ეტაპზე მივიდა. მისი განმარტებით, საქმის გაგრძელების 2 გზა არსებობს: სტრასბურგში გასაჩივრება და ექსპერტიზის თავიდან ჩატარების მოთხოვნა:

,,საქართველოში ეს დავა ამოიწურა. აპელაციის იქით, ეს საქმე აღარ საჩივრდება. აწი, თავად მიხეილ სააკაშვილმა და მისი ოჯახის წევრებმა უნდა მიიღონ გადაწყვეტილება, ეს საქმე გაიგზავნება თუ არა სტრასბურგის სასამართლოში.

არსებობს კიდევ ერთი ვარიანტი – შეიძლება თავიდან ჩატარდეს ეს ექსპერტიზა. ამაში შეზღუდული არ ვართ. ხვალვე შეიძლება დაიწყოს და თავიდან მივმართოთ საქართველოს სასამართლოებს.

ამას რამდენად აქვს აზრი და მნიშვნელობა? – ჩემი აზრით, ამ ეტაპზე, ეს არარეალურია იმიტომ, რომ საქართველოს სასამართლოებმა, სამწუხაროდ, ამ გამოცდას ვერ გაუძლეს. ფაქტიურად, მიიღეს ის პოლიტიკური გადაწყვეტილებებები, რა პოლიტიკურ დავალებებსაც მათ მმართველი ძალა აძლევდა”, – განაცხადა შალვა ხაჭაპურიძე.

ავტორი
ნინი ხიჯაკაძე