ხმაური იყო ადამიანის უფლებათა დაცვისა და განათლების კომიტეტების ერთობლივ სხდომაზე, სადაც „თავდაცვის კოდექსს“ განიხილავდნენ. დაპირისპირება მოხდა პარტია “გირჩის” და მმართველი პარტიის წევრებს შორის. დაპირისპირებაში სხვა დეპუტატებიც იყვნენ ჩართულები. აღნიშნულ ფაქტს განცხადებით გამოეხმაურა პარტია “სტრატეგია აღმაშენებელი”:
“ “სტრატეგია აღმაშენებელი” გმობს ადამიანის უფლებების დაცვისა და სამოქალაქო ინტეგრაციის კომიტეტის სხდომაზე მომხდარ ფაქტს და ემიჯნება ყველანაირ ძალადობას, რომლის მთავარი წამახალისებელი, ხელშემწყობი “ქართული ოცნების” ხელისუფლებაა.
ვთვლით, რომ ნებისმიერი პოლიტიკური პროცესი უნდა დარჩეს მშვიდობიანი კონკურენციის ჩარჩოში.
ხელისუფლებას უნდა ესმოდეს, რომ ძალადობა ახალისებს ახალ ძალადობას და ქმნის სამოქალაქო დაპირისპირების წინაპირობებს”, – ნათქვამია “სტრატეგია აღმაშენებლის” მიერ გავრცელებულ განცხადებაში.
