“სტრატეგია აღმაშენებლის” პოლიტსაბჭოს წევრი, განათლების მიმართულების ხელმძღვანელი, ნანა ტოხვაძე სკოლებში არსებულ მძიმე რეალობაზე საუბრობს, კერძოდ ყურადღებას ამახვილებს მძიმე ფაქტებზე, რომ მომრავლდა მშიერი ბავშვები სკოლებში და თავის მწვავე შეფასებებს პუნქტობრივად წარმოადგენს:
“ალბათ ხშირად გხვდებათ თვალში სიტყვათა წყობა – “მშიერი ბავშვები სკოლაში!”
1 . ვერაფრით შეგეშვებით თქვენ, ვინც მშიერი ბავშვების ქვეყნად გვაქციეთ! საერთოდ როგორ გძინავთ?! როგორ უყურებთ თვალებში საკუთარ შვილებს და მშვიდად აცილებთ მრავალათასიანი სკოლისკენ მიმავალთ?!
- ↪ ❌აქამდე რატომ ვერ გამოძებნა “მთავრობამ” საჭირო სახსრები უფასო სასკოლო კვების პროგრამის დასანერგად?!
- ↪❌ კიდევ რამდენ წელს უნდა იკვლიონ საჭიროების საკითხი?
✅დათვლილია და დაანგარიშებული ყრუ და ბრმა ხელისუფალთა გარჯის გარეშეც!
4 . ავტოპარკების განახლების, ულიმიტო საწვავის, პრემიის, დანამატის, მივლინების, ფბ რეკლამირების, გამოგონილი სსიპ-ების, უფუნქციო ააიპ-ების, სახალხო ზეიმებისა და კონცერტებისთვის ხომ გვაქვს ბიუჯეტი?!😢
- სამშობლოს სიყვარული, პატრიოტიზმი და სახელმწიფოზე მზრუნველი, პასუხისმგებლიანი მოქალაქის აღზრდა გულზე მჯიღის ცემითა და მხოლოდ ჰეროიკულ მოტივებზე შექმნილი ლიტერატურითა თუ ისტორიებით ვერ მიიღწევა!!
- ზრუნვას მაგალითის მიცემა სჭირდება, რის მაგალითადაც თქვენ აშაკარად ვერ გამოდგებით!
7 . დღევანდელ სოციალ-ეკონომიკურ პირობებში, სადაც ყოველ მესამე მოქალაქეს ოჯახისთვის საკვების შესაძენად ფული არ ჰყოფნის, რა გასაკვირია, რომ ყოველი 100 მოსწავლიდან 77 მშიერი ესწრება გაკვეთილებს… გულის წასვლის მოხშირებულ შემთხვევებზე რატომ არავინ უსმენს მასწავლებლებს? იცით ვინ არიან ეს ბავშვები? ისინი იმ ქვეყნის მოქალაქეების შვილები არიან, სადაც:
- ოფიციალური სტატისტიკით 650000 სოციალურად დაუცველი ცხოვრობს და მათ შორის 235000-ზე მეტია არასრულწლოვანია;
- სადაც უმუშევრობის მაჩვენებელი უსწრებს დასაქმებულთა მაჩვენებელს;
- სადაც ბაღის, ბიბლიოთეკის, სკოლის ადმინისტრაციის, დამლაგებლის, სამუსიკო და სახელოვნებო სკოლების მასწავლებლების, ექთნების, სანიტრების, სასწრაფოს ექიმების და კიდევ ვინ მოთვლის რამდენი პროფესიის ადამიანის, ხელფასი არ სცდება 300-400 ლარს და ზოგ შემთხვევაში, საარსებო მინიმუმზე დაბალია…
გაეროს ბავშვთა ორგანიზაცია UNICEF 2018 წლიდან მუშაობს ამ პრობლემის აღმოფხვრაზე. განათლების მინისტრმა 2 წლის წინ საზეიმოდ გვამცნო, რომ ლოჯისტიკურ საკითხებზე აქტიურად მუშაობენ, მაგრამ მხოლოდ მომავალ დროში გაცხადებული დამაიმედებელი პოზიციების იმედად ვართ დღესაც. რადგან მთავრობა და მისი მესვეურები პრიორიტეტებს ვერ ალაგებენ, საზოგადოების მოქმედების ჯერი დგება.
ჰოდა, მთავარია, გავიაზროთ, რომ ხმის ამოღება და ამ პრობლემაზე შესაბამისი მოთხოვნების დაყენება გვეხება ყველას – პარტიულსაც და უპარტიოსაც, ყველას ვისაც ქვეყნის მომავალზე გული შეგვტკივა“, – აცხადებს ნანა ტოხვაძე.
