“ამ კადრებით მთელმა მსოფლიომ იხილა მიხეილ სააკაშვილის ჯანმრთელობის მძიმე მდგომარეობა” – მარიამ ჯიშკარიანი CNN-ზე გასულ ვიდეოკადრებზე

ტელეკომპანია ,,CNN“-მა კლინიკა ,,ვივამედიდან“ მიხეილ სააკაშვილის აქამდე უცნობი ვიდეოკადრები გაავრცელა. აღნიშნულთან დაკავშირებით და საქართველოს მე-3 პრეზიდენტის ჯანმრთელობის მდგომარეობაზე შეფასებას აკეთებს წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი მარიამ ჯიშკარიანი და აცხადებს, რომ აუცილებელია სახალხო დამცველთა ჯგუფმა მიხეილ სააკაშვილთან ვიზიტი განახორციელოს:

,,ამ კადრებით მთელმა მსოფლიომ იხილა მიხეილ სააკაშვილის ჯანმრთელობის მძიმე მდგომარეობა. ასევე, დადასტურდა ის ფაქტი, რომ უცხოელმა ექსპერტებმა კვლევები ჩაატარეს სრულყოფილად.

რაც შეეხება სიმულანტობას, აგრავანტობას, ,,არ ჭამს“ თეორიას და ამ ჰიპოთეზებს, ეს დადასტურებული თვითონ ,,ვივამედის“ სახედიცინო ფაილითაც არ არის. შესაბამისად, ეს არის მხოლოდ ზეპირსიტყვიერი ნარატივი.

მე ვფიქრობ, რომ აუცილებელია სახალხო დაცველის ექსპერტთა ჯგუფმა განახორციელოს ვიზიტი, ვინაიდან ჩვენ გვაქვს ინფორმაცია, რომ მიხეილ სააკაშვილის ჯანმრთელობის მდგომარეობა დღითიდღე უარესდება. ერთადერთი ექსპერტთა ჯგუფი, რომელსაც ახლა შესვლის უფლება აქვს, ეს არის სახალხო დაცველის“, – განაცხადა მარიამ ჯიშკარიანმა.

ავტორი
ნინი ხიჯაკაძე