ევროკავშირში აქტიურად მიმდინარეობს გამოძიების პროცესი კორუფციის ფაქტებთან დაკავშირებით და სამართალდამცავების მიერ ხდება ცალკეული პირების, მათ შორის, ევროპარლამენტარების დაპატიმრებაც. აღნიშნულ საკითხზე მწვავე პოლიტიკური შეფასება გააკეთა საპარლამენტო უმრავლესობის წევრმა ირაკლი ზარქუამ:
,,ძალიან სამწუხაროა! ამაზე რა კომენტარი უნდა გავაკეთოთ ჩვენ. მთელი საქართველო ვართ დარაზმული, გვჯერა, გვწამს დღემდე, რომ ევროპა არის სამართლიანობა და ევროკავშირი არის სწორედ კანონის უზენაესობა. ჩვენ ვღებულობთ იმას, რომ დღე არ გავა, ფაქტიურად, ერთი ევროპარლამენტარი რომ არ დააკავონ.
მე ფასიან ლობისტებზე გეუბნებოდით თქვენ, ხომ? როგორც არიან, მაგალითად, ქართულმა საზოგადოებამ იცის გვარები, ვისაც ვგულისხმობ. არ გამოვრიცხავ, მსგავსი ქმედებები იყოს.
შეუძლებელია, შენ ქვეყანას ამუნათებდე, იმიჯს ლახავდე, 2012 წლამდე თურმე აქ დემოკრატია ყოფილა, სიტყვის თავისუფლება. ახლა თურმე შევზღუდეთ. შეუძლებელია, შენ ამას ამბობდე, მით უმეტეს, როცა ჩახედული ხარ – მე იმ ევროპარლამენტარებზე ვამბობ, რა მიმდინარეობდა აქ და რა რეჟიმი იყო მაშინ. დღეს სხვანაირად ჭიკჭიკებდნენ.
მე მაქვს გონივრული ეჭვი, რომ რაღაც სხვა მერკანტირული ინეტერესები აქვთ. მეტი არაფერი. ის, რომ შეიძლება, რასაც ვამბობ – ამას ჰქონდეს თავისი საფუძველი, აგერ ბატონო, დღესაც დააკავეს ერთი ევროპარლამენტარი“, – განაცხადა ირაკლი ზარქუამ.
ინფრომაციისთვის: კორუფციის სკანდალთან დაკავშირებით ცნობილი ხდება, რომ დაპატიმრებულია ევროპარლამენტარი ანდრეა კოცოლინი. მისი დაკავების ფაქტზე, გამოცემა ,,Politico”-სთან, კომენტარი გააკეთა ადვოკატმა დიმიტრი დე ბეკომ:
,,ჩვენი კლიენტი, როდესაც ის საავადმყოფოში იმყოფებოდა, სადაც გულის პრობლემების გამო მკურნალობდა, დააკავებულ იქნა ევროპული დაკავების ორდერის საფუძველზე, რომელიც გაცემული იყო მოსამართლე მიშელ კლეზის მიერ“, – განაცხადა დიმიტრი დე ბეკომ.