“კატეგორიულად არ უნდათ აღიარონ ის ფაქტი, რომ ადამიანი არის მოწამლული” – გიული ალასანია

კლინიკა ,,ვივამედის” დირექტორის, ნინო ნადირაძის მიერ გუშინ სასამართლოზე მიცემულ ჩვენებას აფასებს მე-3 პრეზიდენტის დედა, გიული ალასანია და ასევე, საუბრობს მიხეილ სააკაშვილთან დაკავშირებულ პრობლემებზე:

,,ეს იყო დაცინვა არამარტო პაციენტის, ვთქვათ ოჯახის წევრების, საერთოდ მთლიანად სასამართლოს სისტემის, ჩვენი საზოგადოების. ეს არ არის სწორი, ასეთი ფორმით! მე ძალიან გაკვირვებული დავრჩი.

ყველაფერს ხომ აქვს საზღვარი?! ადამიანმა მოკლე დროში დაიკლო 38 კილო. რა ჰქვია ამას?! ფეხზე ვეღარ დგება და საერთოდ… ვერ ჭამს, საკუთარი სურვილით კი არა, უნებურად. ძალიან დიდი სურვილი აქვს, რომ ჭამოს სხვათაშორის, თქვენ წარმოიდგინეთ. რისი მიღებაც შეუძლია, ის მიმაქვს. იმიტომ, რომ იმაზე მეტს და რაც მიმაქვს იმასაც ვერ იღებს, თქვენ წარმოიდგინეთ.

კატეგორიულად არ უნდათ აღიარონ ის ფაქტი, რომ ადამიანი არის მოწამლული. ეს საწამლავია მის ორგანიზმში. აი, ეს არის სწორედ დაბრკოლება, რის გამოც [საკვებს] ვერ იღებს”, – განაცხადა გიული ალასანიამ.

ავტორი
ნინი ხიჯაკაძე