სამშაბათი, მარტი 18, 2025
15.8 C
Tbilisi
spot_img
მთავარიანალიტიკათეონა ჭალიძე: "NDI-ის კვლევის შედეგები სოციალურ ჭრილში საგანგაშოა"

თეონა ჭალიძე: “NDI-ის კვლევის შედეგები სოციალურ ჭრილში საგანგაშოა”

პარტია ,,სტრატეგია აღმაშენებლის“ სოციალური მიმართულების ხელმძღვანელი NDI-ის კვლევის შედეგებს სოციალურ ჭრილში აფასებს და აცხადებს, რომ შედეგები საგანგაშოა, თუმცა მათ ვისაც ყოველდღიურად შეხება აქვთ ,,ჩვეულებრივ“ ადამიანებთან დიდად არ გაუკვირდებოდათ:

,,მაშინ როცა საქართველოში 667 000-ზე მეტი სოციალურად დაუცველის სტატუსი მქონე პირია, რომელიც საარსებო შემწეობას იღებს და სხვადასხვა სოციალური პენსიის მიმღებთაგან 360 000-ზე მეტ ადამიანს საპენსიო სესხის აღება მოუწია არსებობისთვის, კვლევის შედეგები ლოგიკურია.
გამოკითხულთა უმეტესობისთვის ყველაზე მნიშვნელოვანი ეროვნული საკითხები ფასების ზრდა – 39%, სამუშაო ადგილები – 38%, სიღარიბე – 30%, ტერიტორიული მთლიანობა – 25%, და პენსიებია – 24%.

მოსახლეობის ყოველ მეხუთე ოჯახს საჭმლის სამყოფი ფული არ აქვს. მოქალაქეთა უმრავლესობა ოჯახის შემოსავალს საკვებზე, კომუნალურ გადასახადებზე, წამლებსა და სესხებზე ხარჯავს. უმრავლესობა ამბობს, რომ ახლა იგივე ან ნაკლები ფინანსური შესაძლებლობა აქვს, ვიდრე ხუთი წლის წინ. ყოველი მეორე კი ამბობს, რომ ბოლო 6 თვის მანძილზე ყოფილა შემთხვევა, როცა კომუნალურის გადასახდელად საკმარისი ფული არ ჰქონია.

ეკონომიის მიზნით გასულ წელთან შედარებით საჭმელზე ნაკლებს ხარჯავს გამოკითხულთა 77%; შეზღუდულად ყიდულობს ტანსაცმელს 74%; ფულის დაზოგვის მიზნით ნაკლებს დადის მანქანით 34%;

ყოველი მეორე ამბობს, რომ ფინანსურ პრობლემებთან გამკლავების მიზნით, გაზისა და ელ. ენერგიის მოხმარება შეზღუდა. სოფლის მოსახლეობის, ასევე 55+ ასაკის მოქალაქეების უმრავლესობამ გაზისა და ელ. ენერგიის მოხმარება შეზღუდა. უფრო კონკრეტულად, გასულ წელთან შედარებით ელექტროენერგიას შეზღუდულად მოიხმარს გამოკითხულთა 53%; ნაკლებს ხარჯავს ჯანდაცვაზე და წამლებზე 35%; ნაკლებს ხარჯავს საჭმელზე – 32%“.

კვლევის მიხედვით, საქართველოში ყოველი მეხუთე მოქალაქე უმუშევარია – უმუშევართა უმრავლესობა ამბობს, რომ სამსახურს ან საერთოდ ვერ პოულობს ან არ არის შესაფერისი ანაზღაურება. ქალების უმეტესობა ამბობს, რომ დაუსაქმებელი ან დიასახლისია.

NDI-ს ცნობით, უმუშევართა უმრავლესობა ამბობს, რომ სამსახურს ან საერთოდ ვერ პოულობს ან შესაფერისი ანაზღაურებით ვერ პოულობს.

სოფლის ტიპისა და ეთნიკურ უმცირესობათა დასახლებებში უმუშევრების უმრავლესობა ამბობს, რომ ვერ პოულობს ვერანაირ სამსახურს.

იმ გამოკითხული მოსახლეობიდან, რომელიც ამბობს რომ დაუსაქმებელია, 49% ეძებს სამსახურს, ეძებს მაგრამ ვერ პოულობს შესაფერისი ანაზღაურებით – 20%, არ არის დაინტერესებული სამსახურის პოვნით – 16%; დაინტერესებულია სამსახურის პოვნით, მაგრამ ამჟამად არ ეძებს – 8%; ეძებს, მაგრამ ვერ იპოვა შესაფერისი სამუშაო პირობებით (ანაზღაურების გარდა) -5%.

თბილისის ყოველი მეოთხე მცხოვრები ბინას ქირაობს. იმ 9%-დან, ვინც ნაქირავებ ბინაში ცხოვრობს, ნახევარმა თქვა, რომ ბოლო 12 თვის მანძილზე ქირა გაუძვირდა. ასევე, მათი ნახევარი შიშობს, რომ მომავალში ქირის გადახდას ვერ შეძლებს და აქედან გამოდინარე სულაც არაა გასაკვირი რომ საქართველოს ყოველი მეხუთე მოქალაქე ემიგრაციაში წასვლაზე ფიქრობს. თბილისის, დიდი ქალაქებისა და უმცირესობათა დასახლებების მცხოვრებთა მეოთხედს, ასევე, ახალგაზრდების მესამედს ემიგრაციაში წასვლა სურს.

ნათელია რომ ხელისუფლება ვერაფერს ვერ და არ აკეთებს. გამოკითხულთა 61% კი ამბობს, რომ ხალხის ინტერესს არცერთი პარტია არ გამოხატავს. ვფიქრობ ეს უნდა იყოს სიგნალი, რომ გარკვეული მიდგომები და სტრატეგიები გადაიხედოს პოლიტიკური ორგანიზაციების მიერ და ხალხი გახდეს პრიორიტეტი”, – აცხადებს თეონა ჭალიძე.

ინფორმაციას პოლიტიკური პარტია “გიორგი ვაშაძე – სტრატეგია აღმაშენებლის” და საპარლამენტო ფრაქცია “რეფორმების ჯგუფის” მედიასთან და საზოგადოებასთან ურთიერთობის სამსახური ავრცელებს

კომენტარები - დატოვეთ თქვენი მოსაზრება
spot_img

მსგავსი სტატიები

“აი, ეს სიცოცხლის ზეიმი ბავშვები რომ ციხეში გამოკეტეთ, იმიტომ არის თქვენი სიცოცხლის ფასი კაპიკი,...

საპროტესტო აქციებზე დაპატიმრებულთა სასამართლო პროცესზე ერთერთმა, დარბაზში მყოფ თავის...

“ეს ქვეყანა და ჩვენი მომავალი გადაყვა ოპოზიციის შიდა კინკლაობებს, ეგოებს და თავის დაფასებებს” –...

პოლიტიკური პარტია “სტრატეგია აღმაშენებლის” მედიასთან და საზოგადოებასთან ურთიერთობის სამსახურის...

კონფერენცია – “საქართველო, უკრაინა და თანამედროვე მსოფლიო”

16 მარტს დაგეგმილი კონფერენციის თაობაზე განმარტებებს აკეთებს "მოძრაობა -...

spot_img

"პარალელის" გამოკითხვა

დღის პოპულარული

ოვალურ კაბინეტში ორივე ერთად რომ ყოფილიყო – მიშა და ზელენსკი, მაშინ “ვნახავდი თქვენს ბუმბულს...

საქართველის პარლამენტართა საზოგადოების თავმჯდომარე, მანანა ჯებაშვილი საქართველოს მე-3 პრეზიდენტ...

“ამერიკელებმა რაღა თქვან, მგონი ისინი ჩვენზე უარეს დღეში არიან” – ირაკლი ოქრუაშვილი

აშშ-ში 2 ქვეყნის პრეზიდენტების, დონალდ ტრამპისა და ვოლოდიმორ ზელენსკის...

“მიხეილ სააკაშვილი არ ისჯება დანაშაულისთვის – ის ისჯება წარმატებისთვის, რომელიც საქართველოს მოუტანა” – გიორგი...

“სტრატეგია აღმაშენებლის” ლიდერი, გიორგი ვაშაძე ეხმაურება თბილისის საქალაქო სასამართლოს...

“ეს ქოცი ჯერ ბიძინას მთავრობიდან დევნიდა მიშა სააკაშვილს და “ნაციონალურ მოძრაობას”, ახლა ოპოზიციის ფლანგიდან...

პარტია "გახარია საქართველოსთვის" თავმჯდომარის მოადგილის, ნათია მეზვრიშვილის პოზიცია-გამონათქვამს -...

“ნუ ქმნით დრამას თქვენი გადაწყვეტილების ლეგიტიმაციისთვის და ნუ აძლიერებთ რეჟიმს, ამ სასაცილო, სამარცხვინო, მორღვეულ...

ტელეკომპანია "კავკასიას" გენერალური დირექტორი, ნინო ჯანგირაშვილი ცალკეული პირების მიერ...