“უკრაინის პრეზიდენტს სცალია იმისთვის, რომ ფოტოებით იაროს ბრიფინგებზე და პრესკონფერენცია ატაროს?!” – ირაკლი ზარქუა

საპარლამენტო უმრავლესობის წევრი ირაკლი ზარქუა მწვავედ აკრიტიკებს უკრაინის პრეზიდენტს, ვოლოდიმირ ზელენსკის, მის მიერ საქართველოს მე-3 პრეზიდენტთან მიმართებაში გაკეთებულ განცხადებასთან დაკავშირებით:

,,ვურჩევდი ევროპარლამენტარებს, EPP-ის (ევროპის სახალხო პარტიის) წევრებს, განსაკუთრებით, თავი გაანებონ ჩვენს ქვეყანას.

უკრაინის პრეზიდენტს სცალია იმისთვის, რომ ფოტოებით იაროს ბრიფინგებზე და პრესკონფერენცია ატაროს?! ძალიან უცნაურია! – ტერიტორიას კარგავს; უამრავი ადამიანი ეღუპება; რუსეთი, რომელიც ოკუპანტია, მათ შორის ჩვენთვის და საერთო მტერია – უტევს, ის იცლის, რომ რაღაცა სურათებით იაროს პატიმარ სააკაშვილის, რომელსაც, სხვათა შორის, მიუსაჯა ევროპულმა სასამართლომ ის, სადაც ახლა ზის.

ჩემთვის გაუგებარია… მე უკრაინელ ხალხს ვუსურვებ გამარჯვებას და ღირსეულ ხელისუფლებას”, – განაცხადა ირაკლი ზარქუამ.

ავტორი
ნინი ხიჯაკაძე