“მიშა სააკაშვილს შეგნებულად კლავენ!” – გიორგი სააკაშვილი

საქართველოს მე-3 პრეზიდენტის მძიმე ჯანმრთელობის მდგომარეობასა და სასამართლო პროცესების მსვლელობაზე ჟურნალისტებთან კომენტარს აკეთებს მიხეილ სააკაშვილის ძმა, გიორგი სააკაშვილი. მისი განმარტებით, მოსამართლემ გადაწყვეტილება უნდა მიიღოს, მინიმუმ სასჯელის გადავადების შესახებ:

,,სასამართლო პროცესებზე დაიკითხნენ ამერიკელი ექსპერტები. მართლაც ძირფესვიანად ახსნილი იყო მიშას არსებული მდგომარეობა. მოსამართლემ, რა თქმა უნდა, გადაწყვეტილება უნდა მიიღოს, რომ მინიმუმ სასჯელის გადავადება მოხდეს.

ზუსტად მაგიტომ გაკეთდა სახელმწიფოს მხრიდან მსგავსი განცხადება, რითაც აჩვენებენ, რომ არაფერი არ არის, მიშა საააკაშვილი ძალიან კარგად გრძნობს თავს.

მე კითხვას ვსვამ: ადამიანი უკვე არის 68 კილო. ჩვენ ვხედავთ, რომ დღითიდღე მისი მდგომარეობა როგორ უარესდება – რას ვიღებთ სახელმწიფოსგან?! სახელმწიფო ყოველთვის უნდა იყოს თითოეული მოქალაქის კეთილდღეობის გარანტი. ჩვენ კი ვხედავთ, რომ მიშა სააკაშვილს შეგნებულად კლავენ!“, – განაცხადა გიორგი სააკაშვილმა.

ავტორი
ნინი ხიჯაკაძე