“სამხარაულის ორღობის ექსპერტიზამ, როგორ უნდა შეაფასოს ამდენი საერთაშორისო ექსპერტის დასკვნა – ამას ვნახავთ!” – მარიამ ჯიშკარიანი

წამების მსხვერპლთა ფსიქოლოგიური რეაბილიტაციის ცენტრ ,,ემპათიას“ დირექტორი, მარიამ ჯიშკარიანი საპასუხო კომენტარს აკეთებს იუსტიციის მინისტრის, რატი ბრეგაძის განცხადებაზე, სადაც საუბარია, რომ ცენტრ ,,ემპათიის“ მიერ გამოტანილი დიაგნოზები არ არის სარწმუნო და უტყუარი. მარიამ ჯიშკარიანის განმარტებით, ნონსენსია პაციენტის ჯანმრთელობის შეფასება ინდივიდუალური შემოწმების გარეშე:

,,ჩვენი დასკვნა გასაჯაროვდება, დაიდება, სამხარაულის დასკვნაც დაიდება. სამხარაულის ორღობის ექსპერტიზამ, როგორ უნდა შეაფასოს ამდენი საერთაშორისო ექსპერტის დასკვნა – ამას, რა თქმა უნდა, ვნახავთ და სტრასბურგიც იხილავს.

მოახდინეს დასკვნის შეფასება. ასეთი ექსპერტიზა არ ჩატარებულა ჯერ, მინდა გითხრათ. იურიდიული საფუძვლებიც ძალიან საეჭვოა. გასტროენტეროლოგია და ნევროლოგია არის იგივე დიაგნოზები, რაც კლინიკა ,,ვივამედშია“ დასმული.

შესაბამისად, უნდა ვნახოთ მაშინ ე.ი. უარყო სამხარაულმა ,,ვივამედის“ დიაგნოზები.

რა თქმა უნდა, ფსიქიატრიაში პაციენტის ჯანმრთელობის მდგომარეობის შეფასება მისი ინდივიდუალური შემოწმების გარეშე – ეს ნონსენსად მიმაჩნია“, – განაცხადა მარიამ ჯიშკარიანმა.

ავტორი
ნინი ხიჯაკაძე