ანალიტიკოსი, ჟურნალისტი, ტელეკომპანია “ფორმულას” გადაცემა “კონტექსტის” წამყვანი ირაკლი ტაბლიაშვილი სოციალურ ქსელში მოწოდებას ავრცელებს ფართომასშტაბიანი საპროტესტო აქციის გამართვასთან დაკავშირებით:
“24 თებერვალი ახლოვდება!
2023 წლის 24 თებერვალს, ჩვენ – საქართველოს მოქალაქეებმა, უნდა მოვაწყოთ უმასშტაბურესი, არნახულად მასშტაბური – 300-400 ათასიანი აქცია მთავარი სლოგანებით!
– გაუმარჯოს საქართველოს თავისუფლებას!
– გაუმარჯოს დამოუკიდებელ საქართველოს!
– გაუმარჯოს თავისუფლებას!
– მძულს პუტინის რუსეთი!..
– Слава Украiнi !!!
– ოკუპანტებო, გაეთრიეთ უკრაინიდან, გაეთრიეთ საქართველოდან!
– საქართველო უნდა გახდეს ევროკავშირის წევრი!
– საქართველო უნდა გახდეს ნატოს წევრი!
____________
ეს აქცია უნდა გაგრძელდეს 25 თებერვალსაც!.. ანუ – საბჭოთა ოკუპაციის დღეს!
თუ ეს ინიციატივა სათანადო მხარდაჭერას მიიღებს ნებისმიერი პარტიის ამომრჩევლისაგან! სამოქალაქო სექტორისაგან! აქტივისტებისაგან! პოლიტიკური პარტიებისაგან! და ინდივიდებისაგან (ჩემის მხრივ სათანადო მხარდაჭერად მივიჩნევ ამ პოსტის “მოწონებათა” რაოდენობას – მაგალითად, ათას მოწონებას), აქვე, ცხადია მოკრძალებით, დავწერ “ქართველი ხალხის დეკლარაციის” ტექსტს (პროექტს).
პ.ს. თავადვე განვსაზღვრავ დეკლარაციის შემდგენელ-რედაქტორთა ჯგუფს!
____
სათანადო მხარდაჭერის შემთხვევაში, პირადად შევხვდები პოლიტიკოსებს; სამოქალაქო აქტივისტებს; არასამთავრობო ორგანიზაციების წევრებს; ცალკეულ ცნობილ, კარგ, გონიერ მოქალაქეებს!
ავუხსნი თავად იდეის არსს! აქციის გამართვის აუცილებლობაზე ვესაუბრები! მივიღებ მათ მხარდაჭერას!…” – წერს ფეისბუქის პირად გვერდზე ირაკლი ტაბლიაშვილი.
