“ნაცებმა” გაშალეს თავისი 100 კაციანი არმია, ფლანგები, ფრონტის ხაზი! – ირაკლი ზარქუა

საპარლამენტო უმრავლესობის წევრი ირაკლი ზარქუა ირონიულ კომენტარს აკეთებს ,,ერთიანი ნაციონალური მოძრაობის” მიერ დაგეგმილ საპროტესტო აქციებზე, მიხეილ სააკაშვილის მხარდასაჭერად:

,,ნაცებმა” გაშალეს თავისი 100-კაციანი არმია, ფლანგები, ფრონტის ხაზი! სხვათაშორის, მე მგონი, დაწინაურდა ხაბე, მხარმოკლე იმიტომ, რომ უფრო მეტი მიჰყავს, თუ არ ვცდები, მას 17-ით მეტი მხარდაჭერი შეხვდა.

რეალურად რა არის? უბრალოდ, ჩვეულებრივი წინასაარჩევნო მასკარადი აქვთ.

მათი ერთადერთი ამოსავალი არის ის, რომ რამენაირად, ყველანაირი მეთოდით თავიანთ პარტიაში მოაწყონ გადატრიალება, მოვიდნენ იქ, თავიანთ პარტიაში – ხელისუფლებაში.

მათი ინტერესის სფერო არის, რამენაირად, როგორ მიითვისონ კეზერაშვილის ფულები. ამიტომაც არის, რომ ბრძოლობს ხაბე მხარმოკლე და აგერ მელია სამეგრელოდან“, – განაცხადა ირაკლი ზარქუამ.

ინფორმაციისთვის: დღეს, 4 იანვარს, საქართველოს მე-3 პრეზიდენტის, მიხეილ სააკაშვილის მხარდასაჭერად საპროტესტო აქციები თბილისსა და რეგიონებში მიმდინარეობს. ასევე, პარალელურ რეჟიმში მხარდამჭერი აქციები გაიმართა მსოფლიოს დიდ ქალაქებში.

ავტორი
ნინი ხიჯაკაძე